احبـــــــــــــــــاب الزيبـــــــــــــــــــــــــان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

البوسعديـــــــــــــات

استعرض الموضوع السابق استعرض الموضوع التالي اذهب الى الأسفل

البوسعديـــــــــــــات

مُساهمة من طرف amor chitour في الإثنين ديسمبر 20, 2010 6:35 pm









يا شيفور يهديك الله قا
طاوعـــــــــني...كي توصل لبوسعادة طفي الموتـــــور

زين الفرجويات في قلبي عدمــــــــني...لا بقا حتى ساعة خليني
نــــــــــــدور

كي تدخل للسانتيفي لا تسقسينــــــــي...حارة لمامين حذاها حبيت
نــــــــــزور

وذا قلت تشوف بعينيك رافقنــــــــــي...زين البوسعاديات ماهوشي
معيــــــور

تقاليد لباسهم اصيلة كي عجبونـــــي...حياة الهم تولي بهجة
وســــــــــــــرور

اذا دارت الملحفة بيضا امصنونـــــي...غير خلي لمخبي فالقلب
مستـــــــــــور

بوعوينة يصهد منو ماني هانـــــــــي...يعسر ناس كثيركان حالهم
ميســـــــور

فليشة خرجت من نشاب قوسنـــــــي...نظرتها تزعزع القلب تظلم وتجـــــــور
العين كحلة من ربي راها سلبتنـــــي...مايلزمها تزواق ماهو لازمها
ناضـــــور

شياخة بكلام يحلا في وذنـــــــــــــــي...تسرح من هو محبوس وتجبر المكسور
ننده اولاد فرج وجدي عبدالغنـــــــــي...يحفظ هاذ الزين من كل
شــــــــــــــرور

واذا كان قاشي بوسعادة بعدونـــــــي...مالازمنيش نقطع عليهم
الــــــــــــــدور

كل جمعة نشوف واحد يوصلنـــــــــي...منكم يالبوسعاديات عقلي
مبهــــــــــور

ولا في جواركم ياناس سكنونـــــــــي...شوفولي كاش بوسط نخدم شيفــــــــور
من بعدي على بلادكم راني نعانــــــي...عايش مظلوم وقلبي حقو
مهـــــــــدور

تودرلي لكلام ياباهية مقوانــــــــــــي...نكذب اذا قلت ماكيش
بدرالبــــــــــــدور

اللي محوس البرور بالاك يعذرنـــــي...اعلى خطراه شاف بهزة
امــــــــــــــور

واللي عشق الزين عمرو لايسولنــي...اسمي في سيدي خالد راه مشهـــــــور
وذا خاوتي الشعارى حبوا ينصحونـي...ابن الزيبان والنقمة انتاعي شيتــــور

كلمــــــــــــــــات:شيتور اعمر - سيدي خالد
avatar
amor chitour
Admin
Admin

عدد المساهمات : 323
نقاط : 3787
تاريخ التسجيل : 20/10/2010
العمر : 44

http://azziban.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى