احبـــــــــــــــــاب الزيبـــــــــــــــــــــــــان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

سهيلة

استعرض الموضوع السابق استعرض الموضوع التالي اذهب الى الأسفل

سهيلة

مُساهمة من طرف amor chitour في الأحد نوفمبر 14, 2010 8:23 pm

ســـــــــهـــيلة
سهيلةقلتيلي جيب عليا كـــــــــلام... وامدحني بأوصاف زينة نشتيــــــــــــــــها
اتامل فيا كيفك كيف الرســـــــــــام... اللوحة لازم عليك تفنن فيــــــــــــــــــــــها
ياك انتشاعر ما عليك مـــــــــلام... والعبارات اللي تقولها قلبي يبغيــــــــــــها
اصدقني في القول وابدا بالســـلام... اعلىكلية الحقوق واللي يقراوا فيــــــــها
قابلني ونقابلك تبرى من لسقـــــــام... وتتفاجى لضرار من كل جنب وجيـــــــــها
سرح قول بركا من التخمــــــــــــام... براكت سيدي عقبة واماليــــــــــــــــــــــها
شبهتك يازايخة بفرخ الحمــــــــام... والطيور الباهية قاع اتمثليـــــــــــــــــــها
ولا جدي غزال فالصحراء هـــــوام... خايف من الشبكةيعفس عليـــــــــــــــــــها
ايطيح ويعشي مندم اعلى ليـــــــام... والحريةمعاد يولي ليـــــــــــــــــــــــــــــها
عينك قدالفنجال ماهيش أوهــــــام... والحاجب مرسوم كلهلال امغطيــــــــــــــها
واخدودك وردات فتحوا طول العام... سعد اللي يعشقها ويتمع بيـــــــــــــــــــــها
عندهاضحكة تقتل يا ســـــــــــلام... يزهىجميع من تلاقات عينو في عينيــــها
بالاك كلامي هذا ناقص تنظــــــــام... بصح الليشوف سهيلة يبغيـــــــــــــــــــــها
سبحانك ربي خالق النور والضلام... احفظ هاذي البنية من العين واحميـــــــــها
سهلها ياربي تكمل هاذوا لعـــوام... والجامعةمن الميموار تمحيـــــــــــــــــــها
تتخرج قاضية تصدر لحكــــــــــام... هي تتكلم والناس يسمعوا فيــــــــــــــــــها
بصوت عالي تعاقب المظـــــــــلام... وتبعد شرو على الامة يخطيـــــــــــــــــــها
سهيلةوفيت وعدي ليك بالتمـــام... وجبلتك قصيدة سوفونير دسيـــــــــــــــــها
انا في بحركم يا نساء راني عـوام... خايف على دارنا ما عدت نولي ليـــــــــــها
الناس راقدة تشوف في المنـــــام... وانا نخمم ويكتا نتلاقى بيــــــــــــــــــــــــها
عامرشيتور جاب هذا الكـــــــلام... ربمافي قلبو وحدة يشتيـــــــــــــــــــــــــها
كلمات :شيتور أعمر سيديخالد
avatar
amor chitour
Admin
Admin

عدد المساهمات : 323
نقاط : 3787
تاريخ التسجيل : 20/10/2010
العمر : 44

http://azziban.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى