يا قلبي

ياقلبي
لوكان تخرجلي برة...ونشوفك تحقيق تحكم فيك العين


نعطيلك
ضربات بدماق الشفرة...نقسم فيك على حساب الراي الشين


كي
تحكم فيدي نحطك على جمرة...مجحم لك وزايدو صهد الطاجين


نسالك
عن حالتك ذيك المرة...واش يصرالك بين لمقابس والطين


نهيتك
ثبوت وشحال ان خطرة...حذرتك بالاك تامن حب الزين


تكلم
قلبي ونبى بالهدرة...أقبل هذا قالي ندريك حنين


تظهرلي
بلي ضميرك من حجرة...انت زاهي فالطرب وأنا حزين


شفت
غزيل كاسبينوا ناس اخرى...حبو عاشر في كناني ليه سنين


بقيت
نخمم مالكة بالي حيرة...كاس المحنة مادريتش طبو وين


عند
النوم يزورني حب السمرة...يهدف عني خاين العهد فالحين


عينيا
يصحاو وقت السهرة...يالايم في دارنا وانا سجين


مجلوبة
عني محاين بالكثرة...كحل الامح عارفة ذا الجرح منين


خليني
نموت عن جال العطرة...ولى نحرق فالهوى بين النارين


نبكي
عن لغزال راها مهجورة...داروها ياسايلي بين الحيطين


اكسبها
قشاش يامن بالحقرة...ماخافش من خالقو يوم الدين


كي
نتفكر ذاك تحكمني عبرة...فرخ الطاوس لاه يدوه لرابين


جدي
الغزلان محمود السيرة...مثلنا وصفو لجدل بوقرنين


ياقلبي
حب النسا جرعة مرة...سولنا من جربو مدة وسنين


تخاصمت
معاك عدنا في ثورة...وجنودك لجنودنا نصبو كمين


ياقلبي
يهديك ذا الراي مضرة...الملفوضات من اللسان تولي دين


حقا
قلت نتوب من مرضي نبرى...نتهنى ونطيع رب العالمين


نقوم
الصلاة وانوض البكرة...نحاسب نفسي باه نسعد فالدارين


وانت
ياقلبي فعالك منكورة...نقسم نا وياك جسمي بالسكين


نعطيلك
منو الجيهة لكثيرة...وباري عقلي فارقو واخطي ليمين


تكلم
قلبي قالي طالب هجرة...جسمك هاهو ليك رانا مفروقين


نسمحلك
فالكاينة من ذا المرة...وربع شهود نجيبهملك مجمولين


نوقعلك
فالمال بستيلو حمرة..وخليني نصفى للطفلة كحل العين


لعلاه
نشوف مسبوغ النظرة...من بعد الفرقة يلاقيا لثنين


ذا
مانتمناه من مولى القدرة...قادر هو يقلب الدمعة للعين





شعر: حويلي مزروع – سيدي خالد