واش درتي فيا

من طرف **amor chitour** الجمعة يناير 07, 2011 8:09 pm

ماشافتكش عيني وسكنتي
فالقلـــــب...الفرجة من عندو هو مولا التدبيــــــر
ماحسبت روحي مزال نعشق ونحــب...ونطيح هاذ الطيحة
في وقت قصيـــــر
وذني سمعت لكلام والصوت سلــــب...واللي ماهو في
بالي صاير ويصيـــــر
لوكان تسمعوا مايسة يروح لعجـــب...تتمنى نفسك
تولي طاير وتطيـــــــــــر
منتدى دزايرنا غير سبة وسبـــــــــب...واللي خلق
الزين هواللي داير ويدير
حرم النوم عليا و نبات نتقلــــــــــــب...وروحي
مابغات تهدالي فالسريــــــــر
علاش تشطن خاطري وعيني تلولب...ونتبع فالجرة
وعليها نعمل تصويـــــر
نظرب خط الرمل نتكهن ونجـــــــرب...ولطياف
الباهية قدامي نعمل تدويـــــر
نرفد ايديا للعالي ندعي ونطلـــــــــب...يشوفني
فيها يوضحلي طريقي وينيـــر
ويبرد النار اللي في قلبي تلهــــــــب...ماعدت
نتخيل فيها مانزيد نحيــــــــــــر
سيدنا رمضان جا قاحز ويقــــــــرب...على صحبتك
ياعمري وين التصبيــــر
من عشقك يا زايخة لوين نهـــــرب...عامر محال يبدل
ماعندو تغييــــــــــــر
غير اللي تجي هادفة من عند الرب...مافيهاش مناقشة
ماتطلب ليها تفكيــر
اذا عينك في جيهةاخرى
ترقـــــب...وللجيهة نتاعي ماكي دايرة تعبيــــــــر
قوليهالي علاش راني نتعـــــــــــذب...نحرق في
دمي ومن الريح عدت نغير
مزلتي صغيرة ومن والى يطلــــــب...واذا قلبك
فرغتيه تلقايلو تعميــــــــــر
حبك في قلبي ماينفع فيه الطـــــــب...والجرح موعي
راه بزاف واسع وكبير
لازمني نكويه ومن وجهك نهــــرب...وما تزيديش
تشوفي خيالي هكذا خيــر
وا ذا بقات فيك حاجة فيا ترغــــــب...ماتخليهاش تصدي في قاع البيــــر
اعزميلي بيها راه مورالي مقلــــب...غدوة صيام واش
فيها مليح التذكيــــر
كلمات:اعمر - سيدي خالد